तिहेरी खून प्रकरणाचा अवघ्या १२ दिवसांत छडा
पुणे ग्रामीण पोलिसांची उल्लेखनी कामगिरी; रांजणगाव येथील घटना
पुणे : रांजणगाव एमआयडीसी पोलिस ठाण्याच्या हद्दीत घडलेल्या तिहेरी खून प्रकरणाचा पुणे ग्रामीण पोलिसांनी अतिशय कौशल्याने आणि तांत्रिक तपासाद्वारे अवघ्या १२ दिवसांत छडा लावला आहे.
गोरख पोपट बोखारे (वय ३६ सध्या रा. सरदवाडी ता. शिरूर जि पुणे, मूळ रा. चिखली, ता. श्रीगोंदा जि. अहिल्यानगर) असे अटक करण्यात आलेल्या आरोपीचे नाव आहे.
याबाबत माहिती अशी दि. २५ मे २०२५ रोजी रांजणगाव गणपती परिसरात, पुणे-नगर महामार्गालगत बंद असलेल्या ग्रोवेल कंपनीजवळ एका दुर्गम भागात एक महिला व दोन लहान मुलांचे अर्धवट जळालेल्या अवस्थेतील मृतदेह आढळले होते. या घटनेची रांजणगाव पोलिस स्टेशन येथे फिर्याद दाखल करण्यात आली होती.
मृत महिलेच्या हातावरील ‘जयभीम’, ‘Rajratan’, ‘mom dad’, ‘RS’ या टॅटूंवरून ओळख पटविण्याचे पोलीस प्रयत्न करत होते. पोलिसांनी तब्बल २५० सीसीटीव्ही फुटेज, भाडेकरू, कामगार, बँक खातेदार, आरोग्य विभाग, लसीकरण नोंदी तपासल्या परंतु घटनास्थळ अत्यंत दुर्गम व पावसामुळे कोणतेही पुरावे सापडले नव्हते. पुणे ग्रामीणचे पोलिस अधिक्षक संदीपसिंह गिल्ल यांनी गुन्ह्याच्या तपासासाठी ७ विशेष तपास पथके तयार केले. महाराष्ट्रातील प्रत्येक जिल्ह्यात जावून मानव मिसिंग नोंदींची चौकशी करण्यासाठी पथके रवाना केले. पोलिसांना तपासादरम्यान बीड जिल्ह्यातील माजलगाव ग्रामीण पोलिस ठाण्यात ९ मे रोजी दाखल झालेली एक मिसिंग नोंद हाती लागली आणि अखेर गुन्ह्याचा उकल करण्यात पोलिसांना यश मिळाले.
अवघ्या १२ दिवसांत गुन्ह्याचा उकल
पुणे ग्रामीण पोलीस पथकाला तपासादरम्यान बीड जिल्ह्यातील माजलगाव ग्रामीण पोलिस ठाण्यात ९ मे रोजी दाखल झालेली एक मिसिंग नोंद हाती लागली. त्यातील वर्णन व मृतदेहातील वैशिष्ट्ये जुळत असल्याचे दिसून आले. तपासाअंती मृत महिलेचे नाव स्वाती केशव सोनवणे (२५, रा. वाघोरा, बीड) व तिचे दोन लहान मुलांसह २३ मे रोजी गोरख पोपट बोखारे (३६, सध्या रा. सरदवाडी, शिरूर, मूळ रा. चिखली, श्रीगोंदा, अहमदनगर) या नातेवाईकासोबत आळंदी येथून निघाल्याचे निष्पन्न झाले. त्यानंतर पोलिसांनी वेगाने तपासाची चक्रे फिरवली. मोठ्या कुशलतेने आणि तांत्रिक तपासाद्वारे अवघ्या १२ दिवसांत छडा लावण्यात यश मिळविले.
अनैतिक संबधातून घडले हत्याकांड
अनैतिक संबधातून विवाह करण्याचा तगादा लावल्याने आरोपी याने स्वाती केशव सोनवणे आणि तिच्या दोन्ही चिमुरड्यांना दुर्गम भागात नेऊन गळा आवळून, डोक्यात दगड घालून निर्घृण हत्या केली आणि पेट्रोल टाकून जाळण्याचा प्रयत्न केला. पोलिसांनी मोठ्या कुशलतेने तांत्रिक विश्लेषणा आधारे तपास करून आरोपी पकडले. ताब्यात त्याची कसून चौकशी केली असता, त्याने गुन्ह्याची कबुली दिली. आरोपीला न्यायालयात हजर केले असता त्यास ११ जून २०२५ पर्यंत पोलीस कोठडी सुनावण्यात आली आहे.
सदरची कामगिरी पुणे ग्रामीणचे पोलीस अधीक्षक संदीपसिंह गिल्ल, अपर पोलीस अधीक्षक रमेश चोपडे, बारामती विभागाचे अपर पोलीस अधीक्षक गणेश बिरादार, शिरुरचे उपविभागीय अधिकारी प्रशांत ढोले, दौंड विभागाचे बापुराव दडस यांच्या मार्गदर्शनाखाली स्थानिक गुन्हे शाखेचे पोलीस निरीक्षक अविनाश शिळीमकर, रांजणगाव पोलिस स्टेशनचे पोलिस निरीक्षक महादेव वाघमोडे, पोलिस निरीक्षक विश्वास जाधव, स्थानिक गुन्हे शाखेचे सहा. पोलिस निरीक्षक दत्ताजीराव मोहिते, रांजणगाव पोलिस स्टेशनचे पोलिस उपनिरीक्षक निळकंठ तिडके, अविनाश थोरात, महिला पोलिस उपनिरीक्षक सविता काळे, शिक्रापूर पोलिस स्टेशनचे पोलिस उपनिरीक्षक महेश डोंगरे स्थानिक गुन्हे शाखेचे दिपक साबळे, तुषार पंदारे, जनार्दन शेळके, संजू जाधव, अक्षय नवले, संदीप वारे, विक्रम तापकीर, निलेश सुपेकर, राजु मोमीण, अतुल डेरे, सागर धुमाळ, मंगेश थिगळे, बाळासाहेब खडके, रामदास बाबर, हनुमंत पासलकर, हेमंत विरोळे, निलेश शिंदे, अतुल फरांदे, महेश बनकर, विनोद भोकरे, काशिनाथ राजापूरे, रांजणगाव पोलीस स्टेशनचे गुलाब येळे, दत्तात्रय शिंदे, विलास आंबेकर, विजय सरजिने, उमेश कुतवळ, वैभव मोरे, योगेश गुंड, किशोर शिवणकर, केशव कोरडे, ज्ञानेश्वर शिंदे, शिक्रापूर पोलीस ठाण्याचे जयराज देवकर, अमोल नलगे, शिरूर पोलीस ठाण्याचे विजय शिंदे, निखील रावडे, नितेश थोरात, बीड जिल्हयात गेलेले विशेष तपास पथकातील पोलीस अंमलदार अक्षय यादव, दरशथ बनसोडे, महादेव साळुंखे, गणेश वानकर, सुमीत वाघ यांनी केली आहे.
