बंद घराचे कुलूप तोडून सोन्या-चांदीचे दागिने लंपास

वाघोली : मुलांच्या सुट्ट्या असल्याने घरातील कुटुंबीय गावी गेले असताना बंद घराचे कुलूप तोडून कपाटात ठेवलेले जवळपास दोन तोळे वजनाचे सोन्याचे दागिने व चांदीचे दागिने, ५ हजार रोख चोरट्यांनी चोरून नेल्याची घटना पेरणेफाटा येथील लक्ष्मीनगर येथे घडली. या प्रकरणी श्रीराम खैरनार यांनी लोणीकंद पोलिस ठाण्यात फिर्याद दिली आहे. त्यावरून अज्ञात व्यक्तीवर गुन्हा दाखल करण्यात आला आहे. पुढील तपास पोलीस करीत आहेत.